农历新年的食旅 - 序

继《邦格岛之旅》后，食旅们几乎都冇碰面嘅机会。虽知各有各忙，搵食更忙；四处奔波，四个地方。

趁住农历新年，大家回乡，就决定搞搞新意思，嚟制造个特别嘅新年。

究竟今次食旅会有啲咩特别呢？又会有咩美食介绍；趣味旅程告知大家呢？肌肉佬又会唔会一定要送饭呢？一切所有嘅问句，将逐一为大家解答！

敬请期待：《农历新年的食旅》

邦格岛之旅6 - 完结篇（各人的感言）

很快地，第二日便到来，亦係时候让邦格岛之旅来个终结了！相信大家应该都会好开心嘅！点解？因为终于都讲完啦！为让此完结篇有个美丽既感性嘅终结，特意请来四位《食旅》中嘅主角写上其个人感言！
有请...

讲古佬
大家好，我就是传说中的讲古佬啦。首先我要道歉，因为本人的稿是拖到很迟才贴的，事关之前工作繁忙落得只赶得贴返个感言。

人生短短几十年，可以和好朋友一起吃老蟹，看日落，吹海风，撼断床脚，留下美好的回忆；人生才无遗憾。所以本篇写到这里虽是一个旅程的完结，却是《食旅》者的起点～


阿BEAR
旅程之所以动人，并不只在于所去嘅地方嘅特别；而係在于过程中即兴或突发嘅事情。我相信若无租多间房，鬼妹诱惑，单车考研，吾夕阳下，肌肉撼床；故事并未如此动人。

若然问我于众多情节中最为深刻印象嘅会係边一个？我会毫无疑惑地讲俾大家知，係夕阳下地自己。确实，我仲会好唔知丑咁话，夕阳下的自己，更显潇洒。

为《邦格岛之旅》画上句号之前，让大家睇睇除我之外，大家烂瞓嘅样！哈哈！点解会无我份？因为呢啲相係我影嘅。

熟睡的讲古佬

熟睡的大番薯

瞓到打晒鼻鼾的肌肉佬

大番薯
邦格岛，可能係我地所有旅程之中最多“惊喜”嘅一次。呢啲 “惊喜”增加佐呢次旅程嘅难忘性，正如讲古佬话，人生无佐呢d经历就会好单调。疯狂嘅野当然要趁后生来做啦。

物有所值，係我对呢次旅程嘅评语。期待下次更多惊喜嘅旅程。


肌肉老
首先我要多谢BEAR,讲故佬和大番薯完成了大部分的准备工作。因为本人暂住的地方比较远，不能完全参于整个策划行动。运输是我这次负责的岗位（绝对是漂亮的安排）。

这次的食旅带给我的当然是开心，刺激，和（自己所造成的）爆炸性的惊喜。我最享受的是我地四个坐在一起，在高佬吃海鲜，一起研究菜式，一起讲讲大家的事，一起分享趣事和自己经历过的事。因为将来可能会有很多因数令我们减少这种旅行。我觉得最可惜的是不能参加下一个《食旅》（唉...今晚连饭都吃少了碗/没加饭）。在这次的《食旅》当中，我有一个大发现,原来一路以为自己是古天乐的我，原来是肥老（太久没照镜，多谢大番薯）

最后，从这次的旅程，我，肌肉佬不再只长肌肉/脂肪。肌肉佬终于学会不先动肌肉才动脑，也开始对牛顿力学有很深的研究和经历了！Energy=Mass x Accerelation

结语

终于，一次惊险又有趣嘅邦格岛之旅就此完结了！多谢一直以来嘅支持，请期待我们的下一篇《食旅》！请～

邦咯岛之行5 - 黄昏之后的灾难

继美味海鲜餐之后，我地决定去去欣赏一个可能性日落。对于我地来讲，所谓嘅可能性日落，就係一个我地唔知睇唔睇到嘅日落。点解？因为我地唔知房外嘅海滩是向何方向。向西就好咯，若然向东咪睇日出咯，若然唔东唔西，哈哈，就睇风咯!当然，厄运之后係有好运嘅，挨过煎熬之后，得到嘅奖励就係一个美丽的日落啦。

从相片中，我捻唔难感受到走在如此日落下嘅我地，係如此地潇洒自在。夕阳实在太靓了。呢一刻，对于我地来讲实在应该加一句：人生几何！

金色嘅阳光为海洋嘅面层铺上一闪一闪金黄色嘅珠片，海风吹拂着一浪接一浪嘅海水，仿佛正为我地送上黄金宝贝。此情此景，真係人生几何！

眼球离开闪亮嘅海面，睇睇海滩上一只只；应该係一堆堆的蟹仔喺沙滩上横行，正为本带点浪漫嘅景色增添一份孩子气嘅画面。
如此美丽嘅景色当然要影低佢留个念啦！然而讲古佬同埋肌肉佬係呢个时候依然被蟹仔大横行嘅姿势吸引住。讲古佬仲好得戚咁用佢嘅房门匙来钓起其中一只蟹仔，真係得戚。忽然间，大番薯竟然话佢食过如此SIZE嘅蟹仔。惊夸嘅其他三人只听到，蟹仔用来煮椒盐好嘢。哈哈！果然係食旅一族。

海滩上横行的蟹仔~~

讲古佬钓到嘅蟹仔~~

如此动人嘅日落要影低之外，当然，如此感动嘅表情都要影低啦！以下就係一个手揸“大炮”嘅专业摄影人员帮我地影嘎啦！点解遇到咁劲嘅人？我捻係缘分嘅安排。

充满感动的四人合照～～

有人话，但係陈奕迅唱：夕阳无限好，却是近黄昏。霎那间，日就落佐了。带点唔知点讲嘅心情，大家返房洗白白。洗到白白净净之后，便开始玩有钱人嘅游戏啦！咩係有钱人嘅游戏呢？唔知咩游戏来嘅。咁...咩係有钱人嘅游戏呢？係唔知咩游戏来嘅。纯粹就係一个烂GAG来，唔好笑咁你就唔好笑啦！哈哈...

其实我地要玩嘅本来係麻雀，但可惜房内并无一张适合打麻雀嘅枱。屈就之下，就只能玩百万富翁；我地呢副係劲嘢来，无银纸嘅，玩箓卡；DEBIT同埋CREDIT（当然，成两百皮一副，梗係劲啦！）不过重点唔係副富翁。

话说当时嘅战况相当激烈，讲古佬同大番薯旗鼓相当地拥有佐全部资产嘅五份之三，阿bear虽未及佢地，但係都紧追在后；然而最惨嘅却係肌肉佬，唔洗认真去计，因为都唔洗点计，佢手上只有一间飞机场同埋两块处于第一条街最CHEAP嘅地，真係CHEAP得好惨。正当讲古佬行旗之际，肌肉佬突然大叫一声“唉”，转身便向大床跑过去。

眼见肌肉佬嘅肥肉跳动，佢也就地跳动，喺空中以慢镜姿态张开双手双脚，描画出“大”字形姿态般撼落张大床道。说时慢，那时快，此际位于右边床头灯处发出两声巨响：砰！！！砰！！！究竟发生佐咩事呢？？

当然，睇紧呢篇嘢嘅人，係估得到发生咩事嘅。但係当其时嘅另外三个人，係无从猜测所发生嘅事啵。只见肌肉佬带点不知所措地，瞪大两粒眼睛，对住其余三个人讲：断佐！

确实，当三人望向张床时，唔难发现张床係斜埋一边嘅。当然，此刻大家都开始估到肌肉佬已经做出佐创世之举了。咁何为创世之举？所谓嘅就係重创大床，惊世嘅动作！哇！张床就惨咯！被肌肉佬无心地撼断佐两条床脚............同埋床架最主要嘅两快大板。若然比如成一只狗的话，狗嘅两只脚已经断佐，连最重要嘅尾龙骨都断埋，唔死嘅话，都宁愿死佐可能会舒服啲。

然而此刻，其余嘅三人，除佐笑，真係都唔知道要点反应好咯。特别係阿BEAR，笑到连眼泪都飙晒出来。不过，其实捻深一层，以牛顿力学来计，以肌肉佬嘅身形猜测出来嘅重量乘于地心吸力（9.81）就等于成千公斤嘅嘢攻击张床，我地捻再坚固嘅床脚，都无法承受，所以，有咩办法唔断啦！

已经被掩饰好嘅断脚床~~

跟住落来，大家都因为呢一个灾难，显得份外无精神，可能之前心脏跳得太快，用佐好多力。于是大家就求其咁出去行行，睇睇房外嘅世界。咦！有人开派对啵！仲有好多鬼妹跳舞添。不过，肌肉灾难之后，呢一切都显得不是那么地吸引。

呢个灾难直接影响肌肉佬嘅心情，似乎佢怪紧自己。唉，自责又有乜用啦！最紧要係虽然佢整烂佐张床，但係佢却制造佐个笑话出来；老土地讲句，呢啲叫做因祸得福啊！

夜阑人静，浪声四起，海风吹拂，一路都好识享受嘅我地，开佐支HENESSY, V.S.O.P，坐于沙滩椅上，对住个大海，吹住海风，便饮便倾。倾倾下，《食旅》就被我地咁样倾佐出来了。

半醉嘅大家，一觉醒来之后，已经係第二日了。亦都係大家要离开嘅第二日了。故事暂且讲到呢道，敬请大家期待！

邦格岛之行6 - 完结篇

偷偷地讲你知啦！我地让佐另一间无受攻击嘅房俾肌肉佬瞓 ，可惜肌肉佬心有阴影，成晚都唔敢瞓上张床道啊，惊再整断咁话。哈哈...睇佢仲敢唔敢再跳。

邦格岛之行4 - 痛苦之后有...（海鲜餐）

一轮鬼妹性感诱惑，海滩沙沙催促我地放好啲野，然后换返条游水裤去踏浪啦。然而，就喺准备出去的一瞬间，阿bear竟然发现肌肉佬将佢条四角游水裤穿成三角游水裤！哈哈！可能肌肉佬嘅PET PET真係太大啦。

话咁快，我地就冲到沙滩上了。第一个感觉係语助词：哇～蓝天白云～干净的沙滩～周围嘅靓女～一望无际嘅大海～轻轻吹拂嘅海风～仿佛为佐得到呢一刻，再贵都係值得嘅。我地揾佐个无人嘅小角落，四人有如包起呢部分嘅沙滩一样，忘却所有嘅烦恼压力，让海浪轻轻地打在我地嘅身上，背上，面上。某些时候，讲古佬，大番薯，阿BEAR，拿起一拳头嘅细沙，响肌肉佬攻击过去！然后佢就来个不忿嘅反攻！阿BEAR仲阴阴地，放沙落肌肉佬条裤到！真係爽啊～

然而，人嘅体力係有限嘅，纵使再好玩，都要休息。临走前拖多半个钟之后，时间大约三点半，我地就各自返房冲个靓凉，然后准备出去揾嘢食了。
我地计划係出去环岛，然后食埋晚餐先返。因为来回一次嘅的士费要成四十蚊，食完午餐就返来，晚餐又再出去似乎无乜意义，再加上酒店啲所谓食物既无特色可言，也唔符合我地嘅经济效益，所以，就有如此决定了。
倾好晒之后，去柜台召唤架的士，睇返个地图，就响TELUK NIPAH 出发啦！
可能时间唔靓啦！下午嘅四点前，大多数嘅嘢都收晒档，就连最为期待嘅烧鱿鱼都收佐档。就唯有无奈地求其咁揾个档口炒碟饭食顶住肚先。好野留返稍后先食。
二话不说，好快地又食完啦！然而仲有好多时间先到《高佬》开档嘅时候。趁有稍为空档，大家就建议不如去游下个岛。咁应该选乜嘢交通工具去游岛呢？
呢个时候交通执行员大番薯，出场啦。条友建议话踩单车。但係一向散弱嘅阿bear就话电单车似乎好啲啵。为佐说服阿BEAR，大番薯就拿起张地图话：“其实我地差个少少嘅弯位就到高佬，我地最多踩到果道就停啦！！加上我记得，係无乜斜啵嘅！”（以上言论并不代表阿BEAR，讲古佬同肌肉佬嘅立场）。
连声明都出埋，就知阿BEAR嘅接受係一个令大家赖嘢嘅开始。最后用佐一百蚊（rm60/4架/一日，rm40 DEPOSIT），好得戚咁开始踩单车了。

开始时，踩上单车嘅我地感觉住海风迎面吹来，係爽嘅。奈何爽嘅感觉一瞬间便消失了，因为考验来临了！眼前一个倾斜度十度嘅斜坡，迎面而来。紧接住另一上斜山坡再另一个山坡；之后係一轮爽快嘅落斜，讲古佬念念有词地话：而家落斜落得咁爽，等阵返就痛苦咯！确实，爽完之后，来到佐最高峰嘅考研，二十五度，上斜，踩单车！生活于城市，久未运动嘅我地又点会经得起如此严厉嘅考验啦！于是，好快就放弃踩上去了，索性落车用推嘅。

然而，突发事件不谋而合地随之而发生，大番薯嘅单车甩链了。于是肌肉佬就以一贯经验丰富嘅手势帮忙修理。奈何，沿路一架经过嘅电单车上有两个人竟然笑我地！唉。。确实係几好笑嘅。终于，我地来到第五个斜坡时，终于顶唔顺，决定放弃了！

有着放弃念头嘅我地，捻住还返架单车然后拿返啲DEPOSIT。然而，返去又係一大嘅考验！结果，于短短嘅路程，我地用佐大概一个钟嘅时间，完结佐我地嘅踩单车环节。仿佛好似估到一样，租单车俾我地条友还我地DEPOSIT之余，竟然仲只计我地租单车时间为一个钟，只收佐我地二十蚊。哩个係好人来！下次你地去可以搵佢租单车，就喺TELUK NIPAH烧鱿鱼嘅档口后面。当然，你要有足够嘅体力与气魄先好做呢种高难度运动。

累透了嘅我地，二话不说，索性租架的士向高佬出发。几经坡折之后，终于去到《高佬》了！然而，佢只开佐半边门。无计啦！我地就唯有喺佢旁边嘅土产店一边买手信，一边等佢开门啦。但係买完之后（男人买嘢好快嘅），《高佬》都依然是未开晒档。只见几个工人来去匆匆地唔知做紧乜。你问我做紧乜？係唔知做紧乜嘅！

唔理啦！一于坐低等。我地好唔客气咁就坐低了。不过，虽然未开锅，不过茶水部开佐，所以阿BEAR就提议整壶《香片》，边饮边等边捻叫乜食！

终于，终于都等到老板娘来点菜啦！首先，当然叫佢介绍我地招牌菜啦！最后，我地点佐以下嘅几样：《上汤啦啦》，《咸蛋蟹》，《招牌干煎虾》，《马来风光》。

基于唔想食饭，所以阿BEAR就提议叫碟炒米粉大家一齐食啦。然而，当老板娘正要离开之际，肌肉佬大声地讲佐句：唔该啤个饭我！’肌肉佬有着一贯要有饭配嘅食法，对我地来讲，呢个举动，并不出奇。

等佐大概十五分钟之后，上菜了。首先来佐个《上汤啦啦》。

《上汤啦啦》嘅香味唔算重， 摆于面前，佢只散发出淡淡嘅酒味。汤嘅感觉，有纪子吊出係一阵甜，然后就係啦啦本身嘅鲜，最后就係辣椒仔嘅一阵小辣。虽然佢嘅啦啦唔算大只，不过新鲜同埋处理得好好，无泥亦都无泥味。加上恰到好处嘅火候，令到煮出来嘅啦啦好爽口。

第一道菜上来之后，肌肉佬好无疑惑地话：唔该加多个大饭啦！一个饭都未开始食，就加多另外一个。真係好嘢！名副其实嘅饭桶！！

之后，就係炒米粉同埋《马来风光》啦！然而，炒米粉就只係普通嘅炒米粉，《马来风光》亦都同普通嘅无乜分别。所以喺呢道唔加以谈论。

紧接落来，就係呢个《招牌干煎虾》啦！开始时，我地觉得干煎虾应该都係咁上下，但係老板娘喺佢个名道加佐个招牌，我地捻应该係会有佢嘅特别。确实，佢嘅《招牌干煎虾》同其他嘅係有唔同。首先，佢嘅味道唔係以咸为主，入口嘅感觉，汁係甜嘅。感觉有点似XO酱。可能係厨师嘅功力所在，汁嘅味道唔会霸道，反而恰到好处；不但无抢掉虾本身嘅鲜味，反而为其添上另一种味道。一般嘅干煎虾，虾身都会干干，拆虾壳嘅时候都会零零散散咁脱落。但係，佢呢道嘅《招牌干煎虾》就无呢个情况了。

虾肉入口新鲜，有种弹牙嘅感觉，用力咬下会发出‘索索’嘅声响。然而，对我地来讲仍然有每种不住嘅地方，我地觉得，如果可以添加少许嘅辣味，咁就更加正啦！因为我地四个都係无辣不欢嘅。

到最后，就係我地最期待嘅《咸蛋蟹》。《咸蛋蟹》唔係咩特别嘅宋。几乎道道都识住，但係要煮得好食，係真係好考功夫。佢呢个《咸蛋蟹》同以往我地食过嘅有少许唔同。一般餐馆嘅《咸蛋蟹》，咸蛋浆都唔会粘到蟹身处；啲咸蛋反而散到成碟都係。然而佢呢个就唔同啦！

蟹身满是咸蛋酱，配上少许嘅辣椒仔同咖喱叶，带出一种芬香嘅感觉。小辣又唔会太咸。同埋值得一讲嘅係，蟹係以三份一嘅杀法上碟嘅，所以每人分到嘅都好大只。蟹嵌，蟹身同埋蟹脚係连埋嘅，无分开。蟹身嘅中间被切一半，蟹壳又係另一部分。所以总共分成佐三份，呢个就係三份一杀法啦！同样地，都係好新鲜！完全无霉嘅感觉。食佢嘅肉，就有种鲜甜嘅感觉。

终于，我地都满意地食饱了。而卖单嘅时候，确实有个惊喜。全餐有虾有蟹，都只係RM60。可惜嘅係佢嘅收条并无著名各样嘅菜式嘅价钱。所以无法告知大家啦。不过，出来玩，价钱只係第二个考虑因素。最紧要嘅仲係食物嘅味道。总结讲一句，《高佬》嘅嘢，係好食嘅！总算，喺单车事件嘅痛苦之后，有海鲜餐作为补偿，未算係坏事啊！因为人总係喺一轮痛苦后得到某啲嘢，先会觉得珍贵嘅。

到最后，要预告一下，下一篇！下一篇来到日落嘅时候了！日落之后，会有一场灾难！而呢场灾难嘅两名受害者係阿BEAR同埋讲古佬。而罪魁祸首竟然係肌肉佬！究竟係咩事呢？

请期待下一篇：邦格岛之行5 - 黄昏之后的灾难

邦格岛之行3 -- PANGKOR ISLAND RESORT 篇 （超出预算）

上一篇讲到，我地刚刚踏入邦格岛。

一落船，大番薯就即刻去打探交通工具嘅收费。本住三个选择，就去问价了。正式来讲，如果要喺邦格岛上来去自如，应该係有四个方法嘅。当然，其中包括行路，单车，电单车同埋出租车。
经过查探之后，收费同埋结论如下：
（一）行路 -- 免费。不过要从码头行路去酒店，唔係无可能，只係对我地来讲唔算係有可能。
（二）单车 -- RM15/一架/一日。但係考虑到唔多识路，所以暂时唔考虑。
（三）电单车 -- RM30/一架/一日。油钱需要自己津贴。同样唔多识路，成本高，都唔考虑。
（四）出租车 -- RM20/一架/一趟。由于前面嘅选择都被淘汰，就唯有选佢啦。

无错，我地係选择佐出租车嘅，即係的士。其实，当我睇到佢嘅身形，我都唔知应唔应该叫佢做的士，因为邦格岛上嘅所谓的士係用VAN仔嘅。所以，大乡里嘅我地就为之而哗然。一阵哇然之后，我地便与的士司机说明目的地，然后就坐上架的士了。

上车之后，第一件事就当然问下的士司机边度有好嘢食啦！而来到邦格岛，就梗係揾海鲜啦！司机话如果要食海鲜就要一定要去《椰林》或者《高佬》。可惜佢地只做夜市。所以我地就将食海鲜呢个环节改为晚餐啦！
除此之外，条友话俾我地听，间酒店係安全第一嘅，所以出出入入都要CHECK人数；一间房最多都係两个人。真係咁佢都知哦！听佢讲完之后，真係打断佐我地少少雅兴。
经过大约十五分钟嘅高低崎岖山路之后，发觉原来个司机係狼过上云顶果啲嘅。而终于，我地都安全到达PANGKOR ISLAND BEACH RESORT嘅酒店大堂啦。
由于对司机嘅话耿耿于怀，所以我地就捻计如何瞒天过海。当然，阿BEAR係咁捻Z；但係讲古佬唔係啵。佢话做人最紧要诚实，不如自首啦！所以阿BEAR就只有少数服从多数啦。
先去RECEPTION拿房，然后同佢讲我地有四个人。结果，条孟加拉友都係唔体谅我地，坚持话一间房最多三个人，软逼我地拿多间房。受孟加拉友威逼之下，我地不自愿地拿多间了。唉～无端端洗多RM288，超出预算咯！其实如果坚持犯罪嘅话係可以过到骨嘅。如果你地下次去，唔好学我地咁蠢！

算啦！横掂都改变唔到，就唯有接受啦！跟住路牌行佐一段路，就来到我地嘅房了。门牌号码係104 同埋105。
开门入去，方才不快嘅心情再次快返。哇！间房真係好掂！首先有张大床（废话），再有两个半透明嘅落地玻璃，一个靠枱，一个靠SOFA；坐上SOFA望海，正！
另外有个小露台，开门出去，有好多BIKINI鬼妹行来行去。对于我地来讲，呢个已经係PANGKOR最靓嘅景了！哈哈。。
听住沙沙嘅海浪声，睇住行来行去嘅比坚尼鬼妹，我地已经急不及待地想即刻就去踢浪了！
以下係酒店房内及窗外嘅相片：

讲古佬：乜你地咁嘎！唔着衫！
肌肉佬：都係揾啲嘢遮下先！
大番薯：横掂我都咁黑咯！人地最多以为我着黑衫Z！


唔好以为阿BEAR听紧电话！

其实係电视遥控来嘎！！哈哈！！

唔知道係咪上天对我地好色之心而作出惩罚，我地之后原来要会受到好痛苦嘅考研（对我地来讲简直係折磨）。
我地所讲嘅折磨究竟係咩呢？

请期待下一篇：邦格岛之行4 - 痛苦之后有...（海鲜餐）

邦格岛之行2 -- 红土坎篇 （肌肉的可怕预言）

经过两个小时嘅巴士程，睇完马来人嘅不断上落巴士之后，我地终于都到佐红土坎码头了。

落巴士之后，公共交通执行员就立刻去COUNTER准备买过海嘅船票了。由于真係好快，导致好多野拿嘅物流部主管因物品重量及本身重量嘅问题而行得好慢。走在前端嘅阿BEAR，眼见如此情景就停佐落来等佢了。之后，大番薯同讲故佬就建议话佢地先去买票啦。要同大家讲一讲，单程船费嘅价格係一张RM10。

眼看肌肉佬手忙脚乱嘅情景，阿BEAR就好心地决定帮肌肉佬拿部分嘅行李啦。（呢一PART好重要，睇紧嘅你请记住，因为之后故事发展嘅某一部分係同呢个有绝对关联嘅）。

接近中午嘅十二点，由于只有极少嘅旅客搭船，所以我地无需要排队地，轻松地进入船舱了。入去嘅第一件事，就係搵个靓位然后坐低。然而，对讲故佬来讲，架船係稍有不足嘅。有过去经验嘅我地都知道，另一公司嘅船係有露台嘅。但係我地坐紧嘅，就无了。所以，欠缺佐吹船上吹海风嘅感受。无办法了，因为我地上佐嘅船係DUTA PANGKOR公司嘅。无错啦，就係呢架黄色嘅。

于船上，我地就为旅程嘅即将开始而感到兴奋。不断地谈论稍后应该要点，要玩乜啊咁。

正当兴奋谈论嘅时候，肌肉佬忽然杀出一句：“我虽然好期待今次嘅旅程，但我总觉得今次嘅旅程会有好多意外。”虽然只係不经意地讲，亦都唔知点解会咁讲，可能係肌肉本身激素分泌而令大脑产生佐直觉。而事实上，肌肉嘅直觉係有某程度上嘅准确。

大概半个钟之后，当船第二次停下另一码头后，我地终于抵达PANGKOR岛了。 一阵晕船之后，下一个目的地，就係PANGKOR ISLAND BEACH RESORT。所以，又係大番薯呢个公共交通部执行员出场嘅时候啦。话是话，总算佢终于都做返自己本份，捻佐条好计以最为划算嘅方法去酒店了。

想知道我地点样去酒店，用佐几钱去？传说中嘅酒店究竟又有咩咁巴闭呢？咁就要留意下一篇了。

请期待下一篇：邦格岛之行3 -- PANGKOR ISLAND RESORT 篇 （超出预算）

邦格岛之行1 -- 怡保篇（人为的疏忽）

邦格岛之行係一个有计划而又无计划地进行的一个计划旅行。此话何解？其实係有段故嘅。
故事嘅开始係由我地三人决定旧地重游而开始嘅。
原先三个人嘅搵食行动，忽然多佐个肌肉佬。条友原本因私人工作关系，而无法参与此行动。但係，美食实在太吸引，以致佢不敌心魔嘅作祟。佢决定以有事（去玩）嘅藉口同老细请假。结果，佢加入我地了。
为佐呢次嘅旅行，我地有系统地成立佐以往不曾出现过的筹委会。分别由讲故佬担任住宿公关执行员，大番薯担任公共交通执行员，阿BEAR担任财政部负责人，而肌肉佬就担任物理部执行主管（即苦力）。再一次证明，衔头係好睇唔好食嘅。
讲故佬物色佐间四星酒店，PANGKOR ISLAND BEACH RESORT--OCEAN WING，时价为RM288 NETT一间。
大番薯物色佐ROADWAYS巴士公司。来回车票（IPOH - LUMUT - IPOH)价值为RM 13一个座位。
阿BEAR就提议每人先集资一百蚊作为阿公消费。
最后，肌肉佬即现任苦力当然就只负责担与抬。简单来讲，就係有乜都俾佢拿。

计划係不能预知意外嘅，而意外通常都係人为嘅疏忽。大番薯同肌肉佬就係人版了。
原先，我地决定搭最早一班巴士出发。于是，便派公共交通执行员去查探详情。
一轮查探后，条友声称佢问佐巴士公司服务柜台人员关于巴士嘅时间表。最早一趟巴士为九点半并需要当日买票。所以，讲故佬就被逼地成为最早一个于当日去买票嘅人。
根据讲故佬嘅描述，当佢睇到票上嘅时间后发现，原来最早一趟巴士其实係七点，然后每半个钟有一轮。所以，佢就急CALL其他三个人，希望佢地能够赶上九点嗰唐巴士。
终于，BEAR同大番薯总算能够于八点五十分左右赶到。剩下嘅就只有仲喺屋企食紧早餐嘅肌肉佬。一如所料，我地最后都无法搭上较早嘅巴士。而喺九点半由怡保出发了。

呢一PART话俾你地听，造成意外嘅人係有两位嘅。一，就係无CHECK清楚时间嘅大番薯。二，就係食紧早餐嘅肌肉佬。

请留意下一篇：邦格岛之行2 - 红土坎渡轮篇（肌肉的可怕预知能力）